Prezidansyèl : Marc-Arthur Drouillard eseye ankò, dizan apre 978 vwa li te jwenn

Marc-Arthur Drouillard kandida pou prezidans ankò. Non li parèt sou lis kandida Konsèy elektoral pwovizwa a (CEP) mete sou entènèt. Lè nou tcheke l mèkredi 11 novanm, lis la mete l kòm kandida tit pou MRN. Dapre sit mouvman li an, se li ki kowòdonatè jeneral politik Mouvman Revèy Desalinyen (MORED).

Se pa premye fwa l eseye. Nan premye tou 20 novanm 2016 la, lè l te kandida Pati Inite nasyonal (PUN), li te jwenn 978 vwa, sa vle di 0,09 % vòt yo, dapre premye rezilta CEP te pibliye.

Enskri pa vle di aksepte

Marc-Arthur Drouillard fè pati 26 moun ki enskri pou prezidans sou lis la, kat jou anvan enskripsyon sou entènèt la fèmen, 15 novanm a minui. Apre sa, kandida yo gen jiska 30 novanm pou yo depoze dosye yo, epi CEP ap verifye chak kandidati anvan l pibliye lis final la.

Lè n ap pibliye atik sa a, nou poko jwenn okenn deklarasyon piblik kote Marc-Arthur Drouillard prezante pwogram li.