« Zouti pou Demen » : Ministè Komès remèt jèn gradye yo twous zouti

Ekri pa Carmelle Valmont
1 minit lekti
Ministè Komès ak Endistri (MCI) lanse ofisyèlman pwojè « Zouti pou Demen » vandredi 20 novanm nan, kote li remèt jèn ki fèk gradye nan plizyè filyè teknik kèk twous zouti pwofesyonèl.
Seremoni an te fèt nan otèl Montana, Petyonvil. Yo te remèt tou sètifika anrejistreman antrepriz bay jèn ki te swiv yon fòmasyon sou antreprenarya semèn pase a.
Dapre ministè a, ekipman yo koresponn ak espesyalite benefisyè yo te etidye nan lekòl pwofesyonèl yo. Yo dwe pèmèt yo pratike sa yo konnen, lanse pwòp aktivite pa yo epi vin pi otonòm.
Plizyè manm gouvènman an te la pou lansman an, pami yo minis Komès ak Endistri, minis Edikasyon nasyonal ak Fòmasyon pwofesyonèl, ak minis Kondisyon fanm ak Dwa fanm. Ministè a pa di konbyen benefisyè ni konbyen pwojè a koute.
Videyo
Pou w gade kounye a.
Ekri pa Carmelle Valmont



Kòmantè 0